AlooSH

تدرون وش اقبح شعور »عندي شعور انكم تقولون ابو النشبه خاربه اخلاقه وجايه الا تنكد علينا

جاني حكي قبل شوي حده تقول علوش ليش صايره حزينه كبرتي ؟خخخخخخخخخخخ

قسم موب حزن ولا شي هو باختصار صفحتي وصديقاتي الللي يقرون لي اعتبر كل اللي يقرون لي صديقاتي وانا مجرد انسانه عاهه ما تحب تخلي شي يكبت على قلبه لازم افضي اول باول ومن احسن من صديقاتي افضفض لهم ولا خخخخخخخخ

المهم حسه عينه اللي يقرر يسحب مني لقب وكالة السعاده قسم ما قصدت انشر شحناتي السلبيه تعودتي علي انا ودميجتي اني اكود الموزع الرسمي للطاقه الاجابه لذالك اسفه اتوب خخخخخخخ

نرجع للسؤال الثاني اللي بالجمله اللي انرسلت لي الا وهي كبرتي ؟؟

حزن قسم بالله بس ايه نعن ابو ذا السالفه احس اني شيبت وانا ما حبيت متى يجي اللي اصب به كل مشاعري يا انا مغبية له حركات كثيره بسويهن معه الشبشب وللحين ما شرف خلاص باقي لي اربع سنين واكمل ربع قرن يعني 21 فلنتاين مر على دميجتي وانا ماجربت الحب الا ياربي استغفر الله حبيت كل عيال عمي وعيال خوالي خخخخخخخخخ طبعا حب من طرف واحد خخخخخخخخخخخخخخخخخخخخخخ

ايه صح نقدر نحسب بعد وائل كفوري ايام مراهقتي الاولى

وياسر القحطاني بس ما حبيته مره

وايه من حبيت بعد ريتك بعد مين ايه طبعا بي وتيقو خخخخخخخ

والحين دونقهي وكل الطقه ياربي ابي احب وانحب وتجين هديه بالفلنتاين تعبت من العطاء »ايه ذابحتس العطاء

ودي بحركى الجاكيت طعيمه مره ولا »تفكر بالقائمه حقته

وابي بعد وانا اغسل المواعين بالمطبخ يجي من وراي ويحاوطن بحيث انه يغسل لي >ابوتس يالرونسيه

تطول القائمه قسم لازممها السالفه شرح بالصوت والصوره صعبه اشرحه كذا

ما اقول الا كما قال هيتلر

يوجد دائماً من هو أشقى منك , فابتسم

مازلت اقول كبير ياهتيلر »قررت انه قدوتها الجديده خخخخخخ

(Source: kimchini)

قد قلت لكم اني اكره الينا ؟؟

لا صح

حلو الحين ومن ذا اللحظه قررت اكره ودي افتك فيها امسكها من ذا الشعرتين اللي فرحانه فيها واصكها بالجدار لين ارتاح وابرد حرتي وحرة ذا الضعيف اللي هناك

اكره ما عندي الناس اللي تصعب عليهم مواجهة مشاعرهم وتحديدها يحددون وش يبغون هم بالضبط من الحياة وذا التبنه اعلاه من ذا الشاكله »توها مخلصه اخر حلقتين وبدت تنتفض من القهر

بس تصدقون جاء على بالي شي ثاني ممكن انه لا يمت للاثنين اعلاه بصله بس بما اني صايره من هواة التفكير بتأني ذا اليومين صاير تخطر على بالي اشياء كثيره خخخخخخخخخ

دايم اشوف بالمسلسلات واقراء بالروايات غالبا ما تكون فيه شخصيه حقيره شريره وحقوده وتغلف كل ذا الصفات اللي فيها بقناع من البراءه اللي مستحيل تنكشف الا مسكتيها بالجرم المشهود وساعاتها يبان المستور وتختفي الملامح البرئيه وتتشبع بوجهه مرعب طبعا كلكم متفقين انه ما يمر مسلسل ولا روايه الا وتكون فيه مثل ذا الشخصيه اكيد مر على بالنا كثير سؤال لين شفنا ذا الشخصيات الا وهو هل معقول انه تصادفين ذا الشخصيه بحياتك الواقعيه كان ذا السؤال يتبارد لذهني الي وقت قريب ودايم كانت اجابته وحده الا وهو مستحيل بس العجيب اني شفتها بعين مست وتعدت على شخص قريب مني ولاول مره يجيني شعور غريب وعجيب علي كنت ولازلت اكرهه تمنيت من كل قلبي وبحقد وبرجاء اللهي ان ربي يكشف ذا الشخص قدام كل المخدوعين فيه تمنيت يواجه مشاكل ويتعذب بحياته واكون شاهده على اللي يصير له مشكله اذا صار خلف قناع البراءه غيره وحقد دايم اقول واردد لين جاء حاكاني احد وقالي مشكله تتكلم لي حاجه وحده مؤمنه فيها انا انه الشخص لما يغلط ساعات يستهون الغلط ويحسه صغي لين يبان المستور يحس قد ايش هو يوجع ساعاتها بيعتذر لكن العجيب اذا ما حس ولا اعتذر وش راح تكون احسن طريقه للتعامل معه @@

تدرون قبل فتره كنت احوس وشفت مقوله قالو انها لهتلر

الا وهي

اذا طعنت من الخلف فعلم انك بالمقدمه

كبيييييييييير ياهتلر كبير

(Source: petrova-elena)

اوجع مشهد بالسيزون الثاني كامل فيه كمية من المشاعر توجع توجع بس تدرون انا وانا احوس بالتلمبر كنت ادور اي صوره تمثل ذكر وانثى فيه كميه مشاعر ودي اكتب شي يوجع قلبي القضيه موب دايمن ولا الينا القضيه قضية تكوينه اشوفكم ماسكين بطونكم وتقولون شوفوا علوش بدت تتفلسف بس جديا ابي احكي من زمان عن ذا الموضوع صحيح غالبا ما اصفصف الحكي بطرقه ادبيه فيها وانشقت السماء لتزهر الارض ولا وتناثرت الدموع على الارض ومن كلام المثقفين ذا اللي يفر الراس خخخخخخخخ بس واتكلم دايما بقالب كوميدي بس غالبا لين تكلمت بشي فانا اتكلم بصدق اشياء تشغلني حتى لو ماجربتها وولمست اثرها بايدي 

اعجب واتعجب لادم وتكوينه وكيف يفكر صدق

قبل فتره موب بعيده كنت جالسه بمجلس وحريم وطبعا لين اجتمعن ذا العجز دايم اغلب الحوار يتركز على من اعرس ومن طلق خخخخخخخخخ ومن ضمن السوالف تكلموا عن واحد قالو انه طلق زوجته وتسألون عن سبب الطلاق خصوصا بعد طفل والمره بعد بطنها لقدام والجواب كان ما حبها  سمعتوا شي اغرب @@ماحبها نعن ابوك والبزر ذا منين جاي طبختوا بالمكرويف خخخخخخخخخخخخ ولا جاكم طلبيه

بتقولون لي حاجه فيسيولوجيه طبيعيه طيري مناك

قاعده قبل مده اقراء روايه الرويه كان من ابطالها واحد متعدد شرع ربي ما نقدر نقول عنه لا مع اني انا شخصيا مستحيل اقبل فيه لنفسي رغم اني ما لمسته بحياتي ولا شفته بمحيطي القريب وعاشرته بس ذا يختلف من حواء لاخرى انا ما اقبل المشاركه ياكلك ولا استريح بحضن اللي ما تتسمى خخخخ

نرجع للروايه وحبيبنا المتعدد

ملخصها

كانت على ذمته ثلاث زوجات

بالبدايه تزوج الاولى وحبها بس بسبب ظروف خارجه عن ارادته طلقها

وتزوجت هي بعده وما توفقت

اما هو تزوج بعدها ثنتين كان بينهم زي ما يقولون العشره وخلافه

وبعد سنين قدر يرجع زوجته الاولى ومعها رجعت طوفان المشاعر

هذي القصه باختصار ولا تقولون ما تصير روايه وكلام فاضي انا هنا ما اقصد القصه بحد ذاتها انا احكي عن المفهوم بشكل عام

ثلاث زوجات يقال قدر يعدل بينهم

بس القلب لوحده فقط

اي تفضيل وذا ممكن يصير بحياتنا طبيعي الشيء ذا هنا حبيبنا سقط عذر الفيسولوجيه عنده بحكم ان القلب عنده وقدامه فبأي دافع ممكن يعاشر الثنتين الثانيات مشاعره زوجيه اللي خبركم  بنقول من باب الشفقه وممكن باب العدل بس هل ممكن بيكون فيه رغبه وشلون يدفع نفسه للرغبه فيهم ..خلونا من ادم الحين ونروح لحواء صحيح حواء انا بس بحكم عذريتي الفكريه وخلافه خخخخخ مقدر على موضوع انا تقريبا جاهله فيه جميع المعلومات المتكونه عندي عنه هي خليط من كلام كتب وتجارب صديقات مستحيل خيالي النشط يقدر يوصلها للواقعيه وشلون حواء تقدر تتقبل زوجها وهي تدري انه امس بس كان مع وحده ثانيه على سرير ثاني يعاملها بنفس الطريقه بالضبط وبنفس الاسلوب وممكن يهمس لها بنفس الكلمات يده اللي تلمسها لمست غيرها امس بس شفايفه اللي تمر عليها كانت على غيرها وهالغير ذي من اكره مخلوقات الله بالنسبه لي ممكن الانسان يحارب شي ماضي بس شي حاظر له  نفس الحقوق اللي لي اعتقد صعبه وتوجع والاوجع لين سمعتي خبرها حامل حامل عارفين معنى حامل عارفين انه ما خذاها يتمضر فيها بس هذا الشيء بالذات تأكيد يذبح على اشياء تقتل لو تخيلتيها

واللي اعجب له بشكل اشد لين سمعت واحد يحكي عن زوجاته ويقول جننوني بالغيره زين اللي ما انجنوا ياحمار لو امسك واحد بس وقلت له تخيل زوجتك مع واحد له نفس حقوقك وتعاشره نفس ما تعاشرك خيال بس ممكن من عندي يذبحها ويكرها للابد ويعوفها ليش ادم له حق انه يعوف وحواء لا ليش لما نسمع عن حواء طلبت الطلاق عشان زوجها تزوج عليها قلنا الله يخلف عليها خربت بيتها وشتت عيالها وتركت الجمل بما حمل للضره ممكن انها حاولت ما قدرت كل انسان له قدره على التحمل وهذا الشي فوق تدراتها بكثير

اصلا طول ما انا اقراء الروايه وانا اتعبر احس اني شرهه بي شره على زوج الثلاث خخخخخخخخخ

ياربي احس اني كتبت كثير ياويلي بس جديا شي مجرد تصوره بالنسبه لي يخليني اتلوى خخخخخخخخ

قبل شوي قلت لكم قلت لكم فقدة دقه من دقاتي ولا

الحين فقد دقه ثانيه بعد بس لمغاير تماما الا وهو ضيق التنفس من كثر ما غشي علي من الضحك ماعدت القى وقت اسحب به اكسجين مير اختل النظام حق الجهاز القلبي حقي خخخخخخخخخخخخخخخخخخخخخخخخخخ

ابو طبيع مايجوز عن طبعه بتاتا البته يوم شفت الحلقه اللي بعدها والا وهي الحلقه الاخيره ذي ارتحت نفسيا عرفت انه الرجال هو نفسه الرجل المعوق اللي عرفته مستحيل تغيره مراءه خخخخخخخخخخخخخخ اجل جايب معه ذا الكرتون يتدرب معه يشيله ويحطه ويسولف معه ويهوش شيندق الظاهر يقول له لا تحط الليزر عليها تعمي عيونها الله يعمي عيون العدوا بس خخخخخخخخخخخخخخ

كل ذا يمشي عادي طبيعي ويهون عند يوم لمسها واحد من الستاف بيشيلها له من عند خصرها من ينهار عليه خخخخخخخخخخخخخخخخخخخخخخخ

وخر لا تلمسها ويقوم يمسح لمسته احس الرجل ياحياتي ارتاع قال وين جايبيني اشتغل لذا الكائن الفاصل

ولازال للتعوق فصل اخر معنا يوم انه يسوي نفس الحركه بالضعيف انهيوك خخخخخخخخخخخخخخخ

ياربي هو انهيوك ولا دونقهي قسم نسيت بس واحد منهم هو

صال لا تلمس صديقة احد غيرك

تيكي ارجوك اذهب الى الجحيم ماسويت بي خير وانا اتلوى ابي هواء بالسرير

انا قلت قبل انها ماتجوز لي موب حلوه صح

سويت مناحه عشان الموضوع ذا ولا

قولوا لا تكفون لان سطح بيتنا يحترين رعب1

بروح انهي حياتي هناك عشان اعرف مره ثانيه اتفلسف واحكم من غير اثباتات سابقه واشياء مدعمه بالادله والبراهين كائن يجسد معنى الرزه الانوثه الفتنه رعب1 ياويلي ياتيكي خطر الشويب تجيه سكته قلبيه هونتوني خطر عليه الادميه ذي بس باللهي ماخقيتوا يوم تطلع على المسرح واول ما انطقت انهاروا الخلق والشعب كله صرخ احسها انصدمت من ذا الترحيب كله صراحه ماخقيت عشانها هي مع اني احبها وكذا بس الصوت اللي طلع ان دل على شي فهو دل على قوة اسم تيكي وشهرته وكيف بشهور قليل ارتفت شهرة الادميه وشطحت فوق شي مرعب اللي سواه بس ارتباطها بتيكي انا ما انسب كل شي سوته لتيكي حرام اكيد تعبت هي بس كلنا نعرف دور الدعايه والاعلام بشهرة شخص وتيكي كان البطاقه اللي سرعت لها طريقها الشاق بفتره قصيره مره من منا كان يعرف كانق سورا قبل شهرين ؟؟

بس باللهي ماخقيتوا عليها وهي تطرن انقليزي خطر علي بذيك اللحظه انقز على الستيج اكلها باللهي وش شعور تيكي خخخخخخخخخخخخخخخخ

باللحظه ذي فقد قلبي دقه من دقات جد فقدها ويأسفني اقولكم انها اول مره ينحاس ترتيب خفقاتي والسستم حقه اللي ماشي عليه بسبة تيكي

صحيح احب تيكي اي نعم انهار عليه يضحكن يوسع صدري بس يخققن رعب1رعب1 لا

الشغله ذي متكفلين به اللي خبركم رعب1

ما توقعت ابدا بتاتا البته ان ذا اللحظه بتمر علي انهار اناقز فوق سريري اشد شوشتي اضرب بالدبدوب المدلل حقي عرض الحائط احس فجأه بالحر الشديد واخلع بلوزة بجامتي »اجل لو باسها بتعرضين بكيني رعب1

بغيت اتهور هونتوني من الحر واروح اتروش بمويه بارده بعز الشتاء الشاتي عاد بعدها اموت وخلوها وشلون تمضي الحياة بدوني حسافه رعب1 والاهم من كذا بصير ضحية  بطبوط قريح

اسلوبه طريقته مدته ليده وهي مفتوحه كذا بالشكل ذا عشق

ثقه اسلوبه كذا حسيته رجال رعب1 »ليش كان اول وشو 

اول بداية مااعلنوا كنت زعلانه اقول تيكي مابه شي غريب غموض شي ابي استكشفه

احسني عارفه الادمي عارفه وش بيقول وشلون بيتصرف كيف يفكر اسلوبه كيف بيكون مع الادميه

الحين اقول لانفسي اول كولي تبن اي نعم كولين ثنين تبن وزبطه ياتبن

ماعندك سالفه لا عاد تتفلسفين ارجوك

ماحسبت حساب ان الرجل يختلف يختلف تعامله مع الناس عن حبيبته

انه فيه فاصل بينهم مو زي بعض بتاتا البته حزن1

استمر تيكي الى الامام سر وخلن اموت

ابي احب عيون تلمع 1>ذا لين قالوا لتس البزارين ما يصلح يشوفون مسلسلات

ابي احس بخفقان القلب اللي يجي لين شفتي احد معين موب من الروعه لاتعرضتي لشي من عوامل الطبيعه

ابي اجرب الكيسو اللي تجي من قلب حب متدفق موب الكسيو حقت مشاعر اللي تمن به علي بعد خخخخخخ

اتمنى وودي ومنى عيني لين سمعت اغنيه حب تقوطر حوبوبه ورومنسيه تذكرت الرخمه اللي احبه

ساعات اقول ليتي انحرفت وحبيت يوم اني ماينشره علي اسوي حركات المراهقين بس راحت علي الحين صرت عجوز تراب يقال عنها مراه

موب عاد يالمراهقين تاخذون كلامي على محمل الجد وتروحون تنحرفون وابلش بكم عاد قال ايش قال ماينشره علينا ثمين عاد يحجبون تلمبري بحجة انه يدعوا للرذيله خخخخخخخخخخخخخخخخخخخخخخ

احب دايمن

عيونه الملونه اللي تتلون على حسب المزاج شفايفه مزاجه المتقلب جسمه حقارته كل شي فيه جمال حبيت شخصيته بالمسلسل بس ما توقعت بتاتا احب الكائن نفسه بالواقع خخخخخخخخخخخخ بس للاسف حاليا احب ايان اكثر من دايمن

هو صحيح لما يقولون ان الممثل يتطبع ويتشرب الشخصيات اللي تقمصها لين ماعاد تفرقون بينه وبين الشخصيه الحقيقه اللي جواته اللي يقوله علم النفس شي بسيط كلنا نمثل حياتنا عباره عن مسرح كبييير انتي البطله الرئيسه نمثل فيه وانك تمثلين ادوار وشخصيات كثيره بنفس الوقت بس متى نكون انفسنا بدون اقنعه لين نفقد السيطره على ملامحنا وفلتات السنتنا الكلمات اللي تطلع منا بدون لا نقصد

(Source: salvacest)

بليس ذي موب بنت صدق قوله وتعالى ياربي اني نسيت الايه وشي بس معناها ان من اولادكم عدو لكم خخخخخخخخخخخخخخخخخخخخخ

بس جديا صراحه الام بثره قهت البنت ياحياتي بتعيش حياتها بتروح تلعب مع عاطف تنسبط معه ووقفة لها مثل العظمه بالملعوم الشعور ذا ما تحسينه الا لين سوته امك بك ودك تقولين نفس الجمله الا ان الفرق بيننا اننا عجز ياكافي والثاني اني ودي اقول لامي ليش اخذتي ابوي بالضبط عشان يعي علينا نطلع مع عاطف يعني خخخخخخخخخخخخخخخخخخخخ

انا يوم كبرت بس اكتشفت ان ابوي يسوي حركة انا حليل يقول روحي شاوري امك وهو ياويلها توافق خخخخخخخخخخخخخخخخخخخ

لو وافقت ياويلي يسود عيشتها

الرجال دايم اشرار عندهم خطط ملتويه وكله براس هالاميميه

(Source: fatima-m)